يا سايلني على أصولي نعطيك النعد
احنى ولاد الجزاير جواب مسالة
حققنا إنتصارات التاريخ علينا يشهد
نصرا للمظلوم دايما رجاله
مانخونو مانتقلب يلا عطينا وعد
معاهدين وطنا بالله تعالى
ما نسجد و لانركع غير للمولى
سبحان الله الحي الواحد
إذا عزمنا نصنع العزايم بالجملة
ما نحط سلاحنا للكافر يڨود
نصحب صحبتنا قلب مانا بدالة
واللي ناوي فينا شر مايرڨد
ما يحلاله نوم على ناس الأصالة
الشرف والعز المجد الخالد
وقت الشدة سلسلة وسيوف مسلولة
مانرحب بعدو بغا يستعبد
ڨلب حنين كريم على لڨلوب المعلولة
قاسح زي حجر على لي تعمد
نوفمبر تاريخنا فيه سال دمنا
مع نوفمبر شهور باقيا تشهد
بالدم الطاهر رانا كتبنا تاريخنا
بعده تواريخ تنحكى وتتمجد
جايين ياقدس صبر ستنى ملحمتنا
سعد من صلى فيك لله سجد
نختم حروفي بالصلاة على نبينا
شفيعنا يوم الخلايق تتحشد
أوسيف قدور
ليست هناك تعليقات:
إرسال تعليق