غصب عنى ح اسيبك
واللى يصيبك يصيبك
ح اقول ده نصيبك
ووعودى ليك انساها
وانسى ذكرايا معاها
وافتكر انى كنت حبيبك
ح اسيبك
انسى انى عرفتك
وكام مره قابلتك فرحتك
ده انا ياما عاتبتك فهمتك
ولا مره خذلتك وجرحتك
ابعد وانا ح انسى ملامحك
وكفايه عليا انى صارحتك
واتحملت كل ألم جرحك
وانكوى قلبى بنار هجرك
مهو يستاهل قسوة قلبك
وانا من كتر عمايلك
مش ح احفظ ودك
ولا ح انسى فى يوم صدك
غصب عنى ح اسيبك
واللى يصيبك يصيبك
ما انا كنت حبيبك
وانت اللى غيرت ملامحك
وكتير ياما سامحتك
تبعد وتقسى واصالحك
وياما ألمنى جرحك
وغصب عنى ح اسيبك
واللى يصيبك يصيبك
وح اقول ده نصيبك
ح اسيبك
بقلم حسن عامر
ليست هناك تعليقات:
إرسال تعليق