منين ولات الاستاذة تشطح
والمدير معاها زاهي يردح
والبراح بالدينار يشكر يبرح
الوداع الوداع يا تعليم
مابقى مستور كلش اتفضح
تبهدل القسم تعمر فضايح
غابت التربية المعدل طايح
النون اصبح ميم
العلم ارجع باكي ينوح
شاكي ضرارو بيها مجرح
ضربو الفساد قاوي متسلح
ضلموه عديمة و عديم
كلش واضح واش نوضح
الدرس بالمقابل راهو يتشرح
التكريمات عفات التلميذ الناجح
فلان يستهل التكريم
في صفوف الطلاب عنصرية تذبح
برح برح يالبراح عرف تبرح
برح وهدي تبراحك ولوح
شكر السادة فالتقديم
ماتنساش الاستاذة القديرة لي تشطح
عطيها حق الشطحة تفرح
وصيها الحفلة الجاية تتشبح
تجي معولة للمراسيم
ما بقا في قيمنا شي يصلح
شتان بين متعلم وفرد ينطح
شايجيب فاسد لعاقل يصلح
وين رايحين وين
ياقايد السفينة راهي ترشح
الموجة قاوية بحرها مالح
صلح لثقاب قصدي واضح
وصل ذالجيل سليم
🇩🇿الصابر لله 🇩🇿
ليست هناك تعليقات:
إرسال تعليق