قالو قصة ليلى من صنعة صانع
قيس هو المجنون قا تالف وجايح
راه هامل في لعلاب داوي وفازع
لايعرف ليلى غير توهم حبها فاضح
الحب اللي كان ماهوشي واقع
قالو حتى كذاب والجن ركبو صابح
بن الملوح يبان في حبها يتبادع
ذهبت منو العقلية وميزانو راشح
تايه فالبرور بحبها جمرها خادع
في كفو مجمر قادي يسني لافح
ياقصة ليلى تغنات في كل مجامع
ياحكاية مشات لخلد العشق تصافح
ساري ف سواد ليلو هابل وخاشع
ساكن محراب ليلى وميزانو طافح
اللي ماعشق مالاطو مشهاب والع
ماسهر ليل الحب ماتاه فيه سايح
ماغنى للحب بترانيم العشق ماتع
مالحن قصة قيس ماشاف قاسح
سار بحبو بين حي وحي ومرابع
قالو لاطو طير عشق ليلى جارح
يتبع....
باسين نصرالدين
ليست هناك تعليقات:
إرسال تعليق