مانتخيل غيرها لقلبي ولاف
ماتساويها النساء زيـنة الـقد
ادات جوارحي زينها خطاف
حوار العشق لـذة هات وشد
العشق الى طال ولفو تحٓاف
يعود بلسم للقلب فيه يضمد
يلم فتات الـروح بعد تخراف
هي مـثل الـربيع وردها يورد
نزهى فارح بنواويرها اصناف
نبغيها تكون لـيا مثل الـمسند
تغلفني بضم نهودها ك الغلاف
نبغيها في سمايا مزون تـرعد
نـبغيها نـجمة ضـاوية تـشاف
نبغيها نبغي دلال كي تتفرهد
جنية دلال خيالها عني طواف
انا ما طڨت على فـراقها نبعد
تلهب جمرتها تسني ف لكتاف
نيران ذا الشوق حامية تصهد
دوايا رحيقك سايل ع لشفاف
هو دوايا نرشف عسلو و نتمد
هي عـشقي كي تـعاند بخلاف
هي ترياق عـشق ڨـلبي لمعند
هي وهي دلال خيالها يشفاف
ما يفارقني حتى لو كانت بـد
هي حري وظلي وقت صياف
هي ثلجي ودفـايا كي نـترعد
هي من دات قلبي ليها نصاف
سكنت وسطو وعـملت له حد
راني مثل قـيس ليلى هـتراف
حـتى حلمي يعاكسني و يهمد
ما ننظر زين غـيرها انا عـياف
زيـن دلال درڨ الـبدر منو صد
العشق بعدها حرام بلا خلاف
زين النسا ذاب ف زينها وتبدد
النظرة ليها يزاد بهاها يلطاف
غـطات ع النسا مطبوعة الـڨد
باسين نصرالدين الجلفة القلم
ليست هناك تعليقات:
إرسال تعليق