الحمة تصيهد في عبدك راه ضعيف
ماصاب جنحة يطير وتبدلت احوالو
راه غير يلاجي بالعين يشوف
سقاه ذا السم دخلاني وعضدو فشلو
ولونو ذبل وحالو ظاهر مكشوف
الايام جارت عليه وكثر تهوالو
الدنيا تمكر ودور واسببها تتردف
يا غالط خطيك محبتها مادوم والو
تزهيك وترقصك على انغامها وانت تشوف
ياربي شافي عبدك اضرارو طالو
راه يبات دايس والقلب يرفرف
راجي رحمتك عبدك نادم على افعالو
فاتو سبعة ايام وهو ينظر ملهوف
مافدو دوى الطبة ودموعو سالو
فيح الحمة تسني دخلاني في الجوف
ما نفعو شواف بكتبتو من قبل وعزملو
طال الضر عليه ياربي الطف
والصلاة والسلام على محمد واهلو
والاصحاب عشرة اهل النعرة والسيف
توقيع 🥀لخذاري مسعود 🇩🇿الجزائر
ليست هناك تعليقات:
إرسال تعليق