ونهديلك بالمناسبة باقة من الورود
ونحايك كل يوم وشهر وعام
ونبركلك العيد ياوردة ونفرح ونزيد
وتحية لكل اخت وزوجة وام
وتبقى المحبة والشوق دايم يزيد
وماننساش فضلك يالحنية وخيرك يعم
كبرت وربيت وسهرتي وعطيت العهد
وما خنتيش الميثاق وكلمتك وافية يا ام
تحية لكل مراة تبذل في المجهود
رايحة رفعة راسها للمعمل تخدم
هذي استاذة تعلم وتقري درس جديد
وعندها برنماج من العلوم كل يوم
ولخرى طبية تعلاج المريض لمنكود
وطال عليه الضر يبات يخمم
طول الليل يشكي نشفو لخدود
نبلغلك الف تحية والف سلام
ونهديلك بالمناسبة باقة من الورود
ثمنية مارس تتعاد كل عام
وهذ العيد للمراة مبروك سعيد
توقيع 🕯لخذاري مسعود 🕊
ليست هناك تعليقات:
إرسال تعليق