وعرفت عندك قلبين يا ناكر الملح
ونايا عندي قلب ماننساك محال
ياناكر الخير بكلامك وليت لحلاح
نسيت العشرة والماضي ذا شحال
وصرت عدو وغدار وقلبك قساح
انايا لقلت عليك كلام قبيل
ونايا لسهرت الليالي والخاطر فارح
ايه يا ميرات لبنات راني مهوال
وصرت يالحباب كطير لمكسور الجناح
ما صاب يطير يفرفر يروح جوال
ويتعالى ويحوم على لوكار نواح
يشكي ويبكي والدمع على الخد سيال
طال الحال عليه راه مجروح
ماصبت طبيب ماهر يبري لعلال
ويشخص المرض وبدواه تبرى لجراح
ياقمرة وعلاه تبدلتي ونسيتني من البال
وتغيرتي ياك اهلك ناس ملاح
نهجر لبلاد ونشوار لصحور نقبل
ونروح ونخطي ذا البر لبعاد سواح
يا لوكان ترضى يالحبيب ودير جميل
وتصلح القلوب يا سمرة وتعم الافراح
ذاك نهار نرايح وندير تويل
نزهى ونفرح ياقلبي ونوالي فارح
توقيع : لخذاري مسعود
ليست هناك تعليقات:
إرسال تعليق