الأرض ضيعة ربي
وحنا مواليها
الإنسان يضل يخدم فيها
والحاكم يتبرع بخيراتها
حافر المطامر في كل جيهة
ياكل وحده والشعب ما يقرب ليها
*******
الحاكم واكل وناكر
وعلى الخدام حاگر
راه عييت ما صابر
ومن كثرة الصبر تغلغل الخاطر
وعلى العيشة المرة انا ما بقيت قادر
قلت نكون حكيم الناس
ما نخضع ما نطوع ما نحني الراس
ولو يضربوني بالقرطاس
كلمة الحق نقولها ولو يسجنوني في القفاص
باركة علينا من النعاس
تساس اخويا تساس
كن عادل مع الناس
لا تتبع طريق الفلاس
واش ما بقى عندك إحساس؟
باركة خلاص
*******
راه ملينا
ومن حكام الظلم قسينا
راك قهرتينا
يكفي الجوع وما قسينا
راه الدموع حرقت عينينا
ارمينا في البحر وهنينا
راه بغينا نشوفوا الهنا
ونعرفوا راسنا شكون حنا
راه الأرض ضيعة ربي
وحنا مواليها
خذ حقك واعطينا حقنا
قبل ما يجي الموت يديك ويدينا
*******
دوق المعنى قبل ما يهيج لبحر وتجي لرياح
وما ينفع لا بكى ولا صياح
وحتى واحد فينا ما يبقى مرتاح
باركة من المزاح
راه كلشي تفضاح
قلم مجروح : بلشقر محمد
ليست هناك تعليقات:
إرسال تعليق