لو بتعرفي يا ، زنبقة هالدار ،
يا مصفصفه ، للورد ورقاتو .
بنومك حبيبي ،بخفت الأنوار ،
و بترك لوجه البدر ، شمعاتو .
لو بتعرفي لم ، كان قلبي يغار،
و شو دقدق ، الجيران عتباتو .
ولم تفتحي شو ، بتكتر الاخبار ،
و الكل يحكي ، بهم نهداتو .
لا تفتحي، شو كان بدو يصير،
الريح إلشمالي ، بخاف لفحاتو.
شو بتعملي بي قلب لح بيطير،
بغمزة وبغمرة ، تزيد رفاتو .
يا زنبقة عِندِيْ ، القلب بالنار ،
و شو محروقة ، بوقيد جمراتو ،
صونِيْ الأمانة، بقلب شعلة نار ،
و الزنبقة ال تسهر ، عا ورداتو .
د. المهندس حافظ القاضي/لبنان.
ليست هناك تعليقات:
إرسال تعليق