بقلمي الشاعر/محمد غبن
شاعر آل غبن بمصر والشتات
كلمات عاميه بلغة محكيه
16/3/2023
راحت وغابت من فتره وسابتني مع حيرتي للعذاب
أسألوا نبض إحساسي ولا شوقي اللي في غيابها داب
فكرت إنه مجرد يومين تلاته شهر بكتيره لكن ميبقاش غياب
هي ناسيه إن ليها معايا قلب ممكن علي غيابها يجيله إكتئاب
عايش بلا هدف وسط
حيطان بيت وباب
الدنيا معانده معاها وإن شعري في إنتظارها زعل وشاب
أعلن غضبه حاسس إنه في غيابها محبوس بسرداب
مش برضوا حبيبته اللي عاش معاها العشق والدلال
فجأه تغيب وتسيبه وتطول في الغياب
لدرجة إن كل شئ حواليه بيسأله في اليوم ميت سؤال
أنت زعلتها وأيه اللي عملته فيها
ليه تسيبك حزين وإحنا معاك ودموعنا كمان
شاهده عليها
حاول تشوفلك حل بسرعه ولازم تراضيها
إرجع بدماغك للورا أكيد زعلتها وانت مش واخد بالك
شوفت بسببك زعلتنا وزعلت شبابيك بيتك وحيطانك
إوعاك تنسي إنها كل شئ في دنيتك فرحة عمرك وشبابك
ليست هناك تعليقات:
إرسال تعليق