( كل عام وكل أم بخير وسعاده )
ومين قال إنها عايشه
ومستنيه ياواد يوم عيد
دا عيدها تشوف كل يوم فرعك
متين وسعيد
وبيزهر فى دنيا بورد
ولا يهمه الشتا و البرد
ولا نسمه ولا موجه معديه
تقولى دا قاعده منتظره هنا هديه
طب إسمعنى !!
هديتها أكيد إنت
وفرحتها اكيد انت
وضحكتها ياواد انت
وجبر خاطرها بك انت
تغيب الشمس من كونها
وتهديك كل نور انت
وتحرم نفسها فى البرد
وتتغطى بحنانها إنت
تنورلك ظلام الليل
وشيفاك القمر إنت
بترسم كل يوم ورده
وبستانها أكيد أنت
ومين عايش ومستنى
ونفسه فى دعوه غيرك إنت
تحياتي/
مدحت لطفى عبدالعال
ليست هناك تعليقات:
إرسال تعليق