سوريا جُهدِك كُله إنقاذ الناس
وحُبِك في قَلبي ساكِن كل الانفاس
للشَرق انتِ زينة ونَصر وأقواس
الياسمين اللي يشِمِك جَنبه الريحان
***
سوريا القَلب النابِض مِنحبه كثير
الوَرد الجوري نَسَم منه العَبير
من فلسطين الرسالة وصلَت بكير
والشَعب السوري عِنا هو العنوان
***
سوريا التاج الغالي فوق النِجمات
الشَعب السوري صامِد يوم الهزات
لكن قَلبي مِطَمِن عنا فزعات
والشَعب الغالي صامد مثل الصوان
***
سوريا بكل الشرق إنتِ العُنوان
مَهما الكوارث وصلت روح الانسان
كثار العنا حَبوكي حب بإيمان
البَدر ضاوي بالعَتمة عندك سهران
***
سوريا درع العرب وحدودك نار
ديما نُكتب لشعبك أجمل أشعار
وحيات الرب العالي إني محتار
اكتب حرفي لوَصفِك وأعمل ديوان
***
..بقلمي..ياسين مصطفى بكري....
ليست هناك تعليقات:
إرسال تعليق