مين حس بيها /بقلم الشاعر: عماد الأبنودي

" مين حس بيها "

‏بقلم /عماااد الأبنودي

********

فين الأخوة و فين الشهامة

لما تنادي تقول يا عرب

سوريا جريحه جداً مهمومه

عماله تصرخ مرارة و تعب

حصار و كوارث

كتيرر بالجملة

و عيالها تموت

ليه من الجوع ...!

حد اتحرك أو هزته كلمة

ولا صوتها ده

مش مسموع

وين الضمير يا أهل العروبة

كفاية علينا ..

حالة السلبية

ليه روابطنا بقت مقطوعة

هو الدم خلاص بقا ميه

أرض الياسمين

مقطوفه بساتينها

و بكاها أنين و دموع

مين حس بيها يوم بأنينها

ولا وجعها اللي

ف الضلوووع ...

مالو غيابها بس مطول

غرقانة في درب التوهان

كان ترتيبها الصف الأول

بكرا تعدي ليالي الأحزان

بقلم

عماااد الأبنودي

11 , 2 , 2023