بقلمي الشاعر/محمد غبن
شاعر آل غبن بمصر والشتات
كلمات محكيه بلغة محكيه
18/2/2023
إنشروا المحبه بينا
إصنعوا وجود السلام
كل واحد في موقعه
يفوق من سكرته وبلاش ينام
قولوا وقتها للجهل كفايه
دماغنا بقت زي النعام
مدفونه جوا الرمل
مش عايزه تفوق م الغيام
قولوا لناس معروفه بعينها
كفايه بقي ظلم حرام
هو إنتم أعداء الإنسانيه
دم اللى فى عروقكم ولا ميه
برغم إنكم غير المله والطباع
قتلتوا جوا الفطره الربانيه
هي نازله لكل فصايل الإنسانيه
بس الواضح راحت حته تانيه
و لبستوا توب المكر الدفين
وإنتوا مش فى دماغكم اي حد
غير تدوسوا ع الملايين
ترجعوا بفعله خبيثه
وبأي طريقة مش مهم ازاى ولا منين
يظهر العالم في إرتباك تقف الحياه
الكل يبقي عامل زي المدمنين
أرجوكم هاتوا من تانى لينا الحياه
بلاش نموت بالداء مخنوقين
تجندوا إعلام وياكم مطيع وهابط
وإنتم من جوا و حوش مجرمين
ولو حلفتوا لينا ع الميه تجمد
فكركم معروف من سنين
زى ماتكونوا كاتبين إتفاق
مع إبليس وولاده الملعونين
إنتوا مذاكرين النص كويس
والقلوب من جوا سوده طين
خافوا ربنا واعرفوا إن فيه قيامه
وقتها النفوس هتبقى فى ملامه
قتلتوا ووقفتوا بإيدكم كل شيء
تعب ناس كانت عايشه شقيانه
راضين بالحياه وبسببكم فى مهانه
خليتوا ملامحها بتتمسح م الموجود
وكمان بتقتلوا الأخضر وهو عود
ليست هناك تعليقات:
إرسال تعليق