ياسعد الخير عندك لا تحتار
والخير والصداقة ربي ايجازيها
الخير ايبعدك غدوا من النار
وتلقاه بشارة على أماليها
وازرع الخير في لولاد الصغار
وعلمهم الاخلاق تربح اللب الي فيها
ولا دير الخير وتبقى محتار
أثر الخير في وقت الشدة تلاقيها
حب الخير حطيناه فوق راسنا شعار
والي في نيتو نية خير بجاه النبي يلاقيها
ولا تكذب وتخون تبان لك الماجن قد لبحار
فالدنيا ماتدي غير الجغمة الي رب بيك ساقيها
وفالابتلاء نوصيك يا خويا كون صبار
والصبر أجر لمن يحتاسب والأجر فالآخرة تلاقيها
محمد عوماري كتب ونظم هاد الاشعار
ودعوة خير منك ورحمة الوالدين حقي وحقك فيها
وانكملو بالصلاة على النبي المختار
والي سابق فالخير عاندو وفالجنة تم ركيزة تتكى عليها
#كلمات أمير الريشة محمد عوماري
ليست هناك تعليقات:
إرسال تعليق