راني حاير محتار نخمم .. سلت وسولت ما لڨيت جواب
بين البينين نبني ونهدم .. عضمي رشا . ومخي ذاب
الضر كواني لا عت نجم .. من هم الغرام راسي شاب
ضري . الغرام عليا تحتم .. وانا . مالي جهد عذاب
عذرا . سكنتلي في الدم .. زين الطاوس للعين جذاب
معاها الحديث نعود نتلعثم .. اذا غابت يحضر التشغاب
اليد الفريدا واش تنجم .. الجناح الڨاصب لطير عذاب
منين نتوحش لوجها نرسم .. ما نرضا فيها لسان الغتاب
زينها بيه نتباها شينها نكتم . حزدوني العديان غارو لحباب
سال العاشق في ڨولي يفهم . ڨاصي الصحبا للحبيب يرطاب
العاشق للمعشوق للموت يصدم . كي العشق يكوي كالمشهاب
يستاهل المحبوب عليه انضم .. نكتب ونألف ألف كتاب
يستاهل سمو في ذراعي نوشم . نضحي بعمري عليه طيح رقاب
فيه من ضحك وفيه من تبسم . وفيه من تفكر حيطو لي راب
حاير محتار كيفي يتهم .. يسال على السعد اللي غاب
يبكي نهارو . ليلو يحلم .. ومن سالو لا يرد جواب
انا ڨلت والفاهم يفهم .. الضرسا عمرها لكانت ناب
محمد نعيمي .... عمر راسك
ليست هناك تعليقات:
إرسال تعليق