ماعرفت وعلاه خليتني غريب وحدي
سمحت فالعشرة خنت الملح والطعام
درت على كلام العديا ووراك رميتني
ماحن قلبك ماتفكرت حبنا وذيك ليام
قاسي ماعندك للحب معني و خذلتني
خليت دمع العين يسيل نسيت لغرام
جرحتلي الكبدة غدرتني ومارحمتني
خليت لي يكرهني فيا يششفي لوام
وعدتني بلي معايا تبقي و ماتتركني
تفرقنا غيرالموت هاكاقلت بالكلام
اليوم شوف انت فين انا وين فهمني
بلاك راني غالط ولا عايش فالاحلام
بيدك دمرت العشة و زدت ذبحتني
بموس حافي تقسمنا لنصفين وبتمام
ياك كنت نشوفك عمري روحي ثاني
كيفاه نقدر نعيش بعيد عليك و لعوام.
نوكل عليك الله ياظالم وياك تكلمني
راني مخاصمك ومابقالي معاك ملام
نطلب مالله تخلص و نشوفك بعيني
باه تطفي الجمرة وتقعد عبرة لدوام.
كلمات: عبدوا شيخان.
ليست هناك تعليقات:
إرسال تعليق