يا ربي يا خالقي وانت تعلم ....انت عالم بالظاهرة والخفية
راني نحسب في اصباعي وانخمم....تلفت لي لرقام ما خرجت ليا
كنت نقارع في ايامي تتسقم....ونعيش اذا كان عمري باقيا
تتفاجا لغيام ونزول ذا الهم....تسعد ايامي ونفرح فالدنيا
ساعة انا وليت ندفع فالمغرم....كي نسلك من هم تنزاد بليا
والمجد اللي ابنيت ولا يتهدم....عصفت في وجهي رياح اقويا
ولا فلكي في امواجو يتلاطم...كثرت عنو رياح وامواج اعتيا
ما ني قادر للعفار الله يعلم....ولا قادر للمحاين والسيا
باني عرشي على جيوشي كي تتلم...نفتح بيها مدونها والباديا
ما نفعوني لا الخو لا ولد العم....وابقا بيا العود وابرك في وطيا
ما نصحوني اصحاب ولا معلم....ما شفعولي كتوب وقلم ودوايا
ما رشدوني شيوخ واصحاب احكايم....ولا ايمة كبار واصحاب الاية
غير انا والكاتبة لاقي ذا الهم....شي مرات نصيب فالهم دوايا
امشيت على طريقها زين المبسم...منين فطنت عرفت غدارة هيا
كذا من ملوك ودول غرتهم...كذا من رجال كذا من وليا
هذي هي الفانية يا بونادم ....لا تتبعها لا تروح فهاوية
توب لربي ذا طريقك يسقم....واطلب يا الاه يا عالي العليا
تغفر ا للي فات واللي متقدم ....بجاهك يا سيدنا ابو ارقيا
محمد اشفيعنا زين الخاتم ....تسقينا من حوض خاتم لنبيا.
جلول قيايدة
ليست هناك تعليقات:
إرسال تعليق