بغيت نتوب ونبطل نحب
تكويت بسبابوا راح لعقل
يزي قررت مانزيد نكتب
مابقيت نسال عليه نرحل
دمرني راح تركني نتعذب
وحيد عايش مريض معتل
حار فيا الناس معاه الطب
جسد بلا روح تقول اهبل
ماعدت فالدنيا باه نرغب
مات لڨليب و صار أكحل
كنت متمني ليك نكسب
نديرك لعمر وعليك نعول
لكن حلمي فسد وتخرب
بقات غير الذكريات تقتل
مزال كيات وراها فالقلب
كي نتفكرها نارها تشعل
روح ياغدار تنال ماتطلب
معاه كاس الغدر وتحصل
نشكيك للواحد ذاك الرب
تشرب نفس المر والفعل
باه مابقيت لغيرك تعطب
تندم ويسيح دمعك يهطل.
كلمات: عبدوا شيخان.
ليست هناك تعليقات:
إرسال تعليق