قاصح القلب يبكي دمعاتو
من هول الفاجعة الحجر يتفتت
شي رهيب إسرائيل دارتو
شرارها على الأبرياء طاحت
شعب ضعيف بالمحظور ضرباتو
والقانون الدولي يشوف وساكت
صبي صغير تشتت فتاتو
طارة طرافو على خوته طاحت
خو يودع خوه الدالة لحڨاتو
العرب تشوف زعيمها ساكت
أم تبكي ولدها شهيد حتسباتو
تحت القصف رواح تفحمت
كذا من جريح تنسمع أهاتو
تحت الركام كذا من ميت
وين خصايل العربي وشجاعتو
صم بكم مشلول باقي صامت
وين حر المسلم على دين أمتو
لا نخوة لا نيف العروبة راحت
وين الزعيم لي تنسمع كلمتو
يا باسل ذريتك اليوم جاحت
وين المغوار اللي يسبل حياتو
العروبة بنارها اليوم ذابت
الملوك كلها وشاد في مملكتو
ناوي يخلد فيها ينبت
تحت نعايل الصهيون فرش عبايتو
مأمور بالصمت باقي مالتحت
الصابر لله
أوسيف قدور
