ياظالم وظلمك انت و عـلاه
تنسى الـمحبوبة هي تـنساك
الى ماتعطيها الود حبك انساه
ترعى لمحبتك وترضعها هواك
راها تجور لـيام تقول كـيفاه
ماهو الحب وحدو هو هـناك
دير لحبيب في سرك وارعاه
وديرها درة فالمكنون ترعاك
هي سرك والقلب يزيد هـناه
يزيد شانك في عينها تحضاك
تغرسك فالقلب ترويك من ماه
تورد في بستانها وردة تشهاك
الى حبها غير من عندها انساه
لاتلومها يالحبيب لـعبك فـناك
تحزم عشقك ماتتسلى بهواه
هي ثاني قـلبها بالحب حـباك
دارتك هي فالقلب العين تراه
تلمدك مثل صابي حبها غشاك
لاهي خداعة الحب تعرف معناه
ماهي لعوبة تتلذذ بحبك وهواك
كون للحبيبة انت الستر وغطاه
رضعها من كاس الـحنية تـهواك
صونها احفظها كما حفظك الله
تتعدى تكسر خاطرها ليك هلاك
راه قـاطع الشجرة عـرف سواه
ماتظن ضعيفة راه خلقها مولاك
بعض الخلق رزقها فـظلمة تلقاه
انت قـلبك مضغة كيما هي واياك
نبضة تسعى فالكون دمك سقاه
خفقاتها راها للحب تنسم شقاك
تخليك ساهر ليلك جمرو تلظاه
هي نبضة حنانة واضعها مولاك
هي السر فالكون تمشي معاه
هي نبضة مفتونة بالحب معاك شمس حارة ظلها ينفع تلقاه
ساعة تتمناها في القرب لدفاك
مثل قناق ربيع تتنسم هواه
تتمنى ساعات انداها سقياك
ساعة تمحي قلبك في رحاه
ديرك بين فلقات رحى وقضاك
باسين نصرالدين.
ليست هناك تعليقات:
إرسال تعليق