مكثرهم تعود تفركت في لجياب
تحس الجيب مليان لا فيه تخيب
حين تصرف يتلاشاو كي ضباب
تقول سعدي لعلتي هوما طبيب
نداوي بيهم جميع لعلال تطياب
ساعات تظن روحك عنهم غريب
مخيرهم يحفر لك غامق زرداب
منكور بيناتهم تعود ليهم غريب
ينساوك بعدن رويتهم كانو قواب
حال الدنيا وصحابها راس يشيب
تقرا وتقول مازلنا فيها طلاب
حاشاها وحنا هاملين فيها نعيب
راها جفت لقلوب وراحت لصحاب
هذا حالها كي الشمس تتمسى وتغيب
نيتنا خابت بعدن كانت لينا صواب
نلومو في ذا الدنيا واصلها طيب
خالقها هكذا سبحانو ربي الوهاب
من خدايم الرادية تبنيها وتريب
خالقها ماخلى فيها حاجة تتعاب
رانا فيها ومسكنها مافيه حبيب
لاكلمة وافية لاصدق منها صاب
عمارنا قي ومضة فالكون وتغيب
يبقى فيها ذكرك لاعرش لاانساب
غير زادك فيها الى عمرتو تصيب
تلقاه معرم ڨدامك بالحساب
ماتهمل فيها دايم وانت تسيب
ماتفوت منها ذرة مسجلة فلكتاب
من وحدة تدي عشرة من الجيب
عند الخالق ما كاين حاجة تصعاب
كثير لصحاب لابد فيهم من يسحب
يزلبح لرادية من فعايل لصحاب
اتفكر من عاش فيها بالترهيب
رافد سيف الباطل دارو للعذاب
ظنو يخلد فيها ماعندو رقيب
مسرج عود الباطل راكب للتنهاب
ماخافو ربي ماقالو هذا عيب
طالقين لحمة لسانهم قي لتقتاب
موس التشراح مسموم لتعطيب
بمضاوتو قاطع يشرح لجناب
باسين نصرالدين الجلفة
ليست هناك تعليقات:
إرسال تعليق