بقلم/عماد الأبنودي
•••••••••••
دمع بدمع طب وماله
دي الأيام دايما دواره
و مافيش مكسب أبداً بيدوم
بكرا لابد منها خسارة
و اللي ضحك وقت الجرح
راح تقابله توهه الأحزان
و تختفي ليالي الفرح
و المستور سعتها يبأن
دموع العين تملي غالية
إسال ... عنها المجروحين
مهرها ... عذاب قاسي
و نبضها ... بيكون أنين
بكره تشرب زي غيرك
و نقولك ... كتر خيرك
زرع الألم راح يخضر
و يطرح مراره يا ويلك
حتلف الدنيا سبع لفات
و تعاني ياما دموع و آهات
عد و إحسب في الأيام
و استنى شوف الجايات
الكلام ماعدتش يفيد
كل جرح هيعدي وقته
و قلبي داب م القسوة عنيد
ما أنت معرفتش تقدر قيمته
ويا دموعي حنكون أحباب
مش هتجرح تاني الخد
و نعمل هدنة مع العذاب
يمكن يزهق من كتر العد
بناقص منها يالا معرفتك
دي الوحدة أفضل فرحة
إنسحب و إرحل بطريقتك
و خد وياك مشاعرك الجارحة
بقلم
عمااد الأبنودي
15 , 7 , 2023
ليست هناك تعليقات:
إرسال تعليق