بقلم/عماد الأبنودي
•••••••••••
تسمحيلي .. أكون حبيبك
و بين عيونك قلبي ينام
و يدفيني حضن رموشك
و لو حأبقى شهيد غرام
يا أم العيون لمعتها بتضوي
فيهم جمال غير الجمال
من سحرهم بقيت أشكي
و حالي مابقاش نفس الحال
إسمحيلي ..... بس بنظرة
تعبر سهامها مفارق قلبي
و اتعطفي إنشاءلله بكلمة
سعتها إحساسي مش هيخبي
منك عقلي اهو صابه جنون
و بديت اهلوس ف الكلام
هل هذا يعقل أو يكون ...؟
ونا طالب أسري في الغرام
السماح ياااا أهل السماح
قلبي واقع يا حلوة بهيامك
هو ده السبب اللي جابني
لأجل ما أتغزل في جمالك
بقلم
عمااد الأبنودي
24 , 7 , 2023
ليست هناك تعليقات:
إرسال تعليق