(بتعجزوني بالكلام؟؟؟؟)
هي إيه تبقى العزيمة
من حبيب لو من
حطام..........
هي إيه تبقى
العزيمة والشهامة
مش تفرق كتير
إن كنت فاطر أو
من صيام.....
هي إيه تبقى المروءة
وقت الشدائد من
قريب لو فيه خصام.
هي إيه معنى حبيبي
وإنت روحي
وقلبي وحته مني
ونن عيني
في وقت عوزه.
تفترق من دون ملام
أو عتاب أو سؤال
في وقت ضيقه.
وأنا عشمي فيك.
تتخلي عني
وتوهميني بالهيام....
بتعجزوني بالكلام.
وبتحبطي بكلامك
أمه بتنزليهم من السما
لبطن الأرض
وتحمليهم من فرح
لألف غمه.
من سعاده للهموم
بتستحيل كل حاجه
فيها روح و معنويه
وأي همه.
كل حاجه فيه ذمه
هي إيه تبقى الحياة
تبقى الورود في
إيديكي بلدي
وبظرافه وخفة دم
وبرود تقولي لي
كأني شمه.
تبقى العطور مليا المكان
مين بيجي له في
عز صيف أصلا
زكام إلا إنتي.
العشرة بالمحبه
والحنان
بالتماسك وإلتحام
وال هي روحت فين
وجبت إيه ولسه
كام كان معاي
وإنت عارف كله
راح على العيال
من دون كلام......
ألف راح دروس
لإبنك والتاني
راح كمان لبنتك
والباقي سوق
خضار وفاكهه
بط وحمام.
وإنت عارف العيشه
غاليه موت.
وبالحساب بدون
عتاب..........
إلتزمت الصمت طبعا
وكل ال قلته
طب سلام
وكان ختام........
2/7/2023
(ترنيمات وخواطر /بقلم........)
(شاعر العاميه/خيرى حسنى.)
ليست هناك تعليقات:
إرسال تعليق