شوف و اسمع
عيش تشوف عيش تسمع
بعـــض الخلايق كيف هــي سيرتهــم
جمع و اعرف وين تجمع
جـمع مع الصـــالحين تسمــع منهـــم
تسمع حكايات فالڨلب توجع
قصايص عاشوها في وسط حياتهم
تتأسف على ماصاري فالمجتمع
اللـــــي تبنــــــــى اليوم غـدا يتهدم
تسمع ياسامعني او واش تسمع
تفاحـــــه فـاسده مـــن ڨلبها مسمم
فلاح فالأرض بشوكها يزرع
ونجار حالف على الشجر يڨطعهم
بناي في بنيانه يخدع
حداد بيبانه الكل كاملين سارقهم
إمام وفي صلاته مايخشع
حـافـــظ ايات اللـــــه غير يقراهم
طبيب المرض بيه يستنفع
تاجر وڨلبه مايرأف قاسح مايرحم
خياط القماش غير يرقع
استــاذ يعلم العلـــم ماهو متعلــم
وناس تقول كلام وتبدع
سارقينه من الغير وعليه تتكرم
كاتب سارق كلام شايع
سباغ رافـد ريشه فالفن يرســــم
الفساد سكن القلوب تربع
تجاوز كـل حدود كــانت مترسم
عباد عايشه للمال تركع
عباد ماشيين رايحيين الغلطة داتهم
عباد على لكتاف حابة تترفع
شموعهم طافيا والحال غرب وظلم
عباد جيعانة تاكل ماتشبع
عباد عطشانة تشتي تشرب الـــدم
أنظر شوف أصغي و اسمع
وأطلب الرحمة من الرحيم يرحم
أوسيف قدور
ليست هناك تعليقات:
إرسال تعليق