إسمعوهم
أيوه لازم تسمعوهم
اللى شايف بكره ضلمه
واللى شايف بكره نور
واللى عامل ألف عامله
واللى شايف الحق زور
واللى واقف منتظرنا
واللى فاته ألف دور
واللى راح للأهل يحلم
بالمحبه قالوله غور
واللى سافر 100مدينه
واللى محبوس جوه سور
واللى دمعه عينه نزلت
واللى حاسس بالفتور
واللى راسم حلم غالى
واللى فكره فى العلالى
واللى نظره عينه شايفه
الحياه بنظره تعالى
إسمعوهم
فهموهم
أن كل الكون رساله
والرضا بالرزق دائما هو دا أصل الحكايه
وإن مش معنى إنى أرضى
إنى أعيش عالناس عواله
وإن حلمى لو مافيش
مش دمار ومش نهايه
وإن حق الله يكون
من البدايه للنهايه
وإن روحى أكيد أمانه
مش بإيدى أكتب نهايه
إنصحوهم ألف مره إلحقوهم مالحصار
إلغو عنهم أى فكر يوم يسوءهم للإنتحار
إسمعوهم
تحياتي/
مدحت لطفى عبدالعال
ليست هناك تعليقات:
إرسال تعليق