رفاڨة السفر
لا تصحبش في طريڨك طماع
معروف الطمع يفسد لطباع
فاسد لطباع ثقل علييك
سافر وحدك يلا تحتم السفر
عسى في طريڨك رفاڨة تجبر
تلقى فيهم راحة لييك
الطماع مايتأمن على المتاع
فيه صيفة الغدر و الخداع
يلا نعست من غطاك يعريك
الطماع مجرد من الحيا يغزر
أناني لدرجة كبيرة ماتتصور
يحسبلك و ما يحسبش عليك
الطماع مايقنع شرا وباع
أسم الصحبة رسمت قناع
مشي شك يتجر فيك
الطماع نمام سخونة تحضر
يشتي بيك يوصل الخبر
ماينفع فالسفر يكون شريك
الطماع بلسانه لكذوب تنذاع
فايدة راس ماله تنشاع
يا راسي من رفاڨته خطيك
اصحب طريڨك رفڨة خير
تتقسم فيها مشقة السفر
يلا تاهت طريقك يكاكيك
اصحب في طريقك شجاع
الشجاعة ما تنشراش بالأطماع
هذي رفاڨة ولا خطيك
المسيرة طويلة بحجارها و حفر
طريڨ مديد مد البصر
لي ضره ضرك و مارواه يرويك
بقلمي
أوسيف قدور
ليست هناك تعليقات:
إرسال تعليق