بقلمي الشاعر/ محمد غبن
شاعر آل غبن بمصر والشتات
كلمات عاميه بلغة محكيه
26/2/2023
كل دا علشان حبيتك
وصرحت بحبي ليكي
كإني غلطت ولازم اجي
أتطهر من محراب عينيكي
أقدم اعتذار يكون فيه إشهار لجل يرضيك
أيه اللي جري بس ياتري
قولت إن دا هيفرحك
إنك لقيتي دايب في حبك وعمره ماهيجرحك
فجأة يلاقيك قابلتيه وكإنه بقاله سنين لا تعرفيه ولا يعرفك
عشق هواك ناداني اعمل ايه بس قوليلي
اقفل في وشه الباب
ولا أرحب بيه ولا اقوله حبك من قلبي خلاص غاب
وأستحملك وإنت بتجرحيني
برضوا متنسيش إني إنسان ومحتاجلك صدقيني
مرضاش إن حبي يتوسل ليكي ويقولك أرجوكي حبيني
أنا مش ملاك ولا منزل من السما لجل تآمني برسالتي
بإختصار عايز اشوف رأيك وأسمعه دلوقتي
قبل ماأحس إني حزين ويلعني حبي ويكون على إيديكي نهايتي
ليست هناك تعليقات:
إرسال تعليق