يالّي معذبه قلبي قولي علاش وعلاش
على همومي لاش زايدتني الهم
من نّهار عرفتك القلب ما هناش وعلاش
فكري شارد بيك انت يخمم
شحال حاولت قلبي مابغاش. وعلاش
بايت مسهرني نوم حارم
علاش قلبك على قلبي مارضاش وعلاش
كي اللفعة قرصتيه بالسم
سم المحنه صعيب ما يبراش. وعلاش
حني على قلبي ماهوش منجم
لوما انت ذي لبيات مانكتبهاش وعلاش
مانكتب شعاري ما ننضم
نار ك نارك شعالة ماتطفاش. وعلاش
علاش تكوي فيا يالعارم
مال قلبك قاصح و ماهناناش. وعلاش
ارحمي قلبي ولي رحم يترحم
يالّي معذبه قلبي قولي علاش. وعلاش
داويني بدواك راني معدم
أوسيف قدور
ليست هناك تعليقات:
إرسال تعليق