اكتب عن سمراء
صبية،،،،،معروفة بشهامتها
بشرتها،،،،
تحكى حياتها
ولوعتها وتعبها
بعد وفاة زوجها
فلاحة وفالحة
فى زرعتها
راجل فى وسط
غيطها
حنان فى بيتها
حفيدة وام واب
ودى زينتها
الكلمة منها حكمة
والدمع فى عنيها
ممنوع حد يشوفها
حتى فى الحزن
لها كرمتها
وتحت الشجرة
راحتها
والزمن على وشها
مرسوم
..............
ست بميت راجل
خطوتها صوت دافي
معروفة فى وسط جرانها
بالشهامة والواجب
ما هى ام واب
سيرتها عند الذكر عطر
من حلاوة كلامها
وصبرها على الأيام
وعلاج مشاكلها
كانت عنوان لكل
جيرانها
حتى فى مرضها
كانت ايوب
الف مليون سلامة
يا سمراء يابنت الارض
الطاهرة
محمود خلاف
جمهورية مصر العربية
ليست هناك تعليقات:
إرسال تعليق