جيت نحكيلكم على الاجيال عبر هذا االزمان
كل شيء تبدل وانحرف على طريقو الاصلية
كانت الرجال عندهم الكلمة تسمع في كل مكان
وكان النيف وكان الصغير فيهم على قد المسؤولية
كانت النساء تهاب الرجل وتقولو سيدي انت سلطان
ومن الحشمة والتربية ايلبيلها نعم الزوجات ديك حورية
الحايك داير بها ولوجه مغطي بلعجار تمشي في أمان
ودوك تلبس حجاب ملصق فيها تبان كل مفاتنها الداخلية
كان الرجل يحكم قبل ماتتعتب لمرأة لباب الجيران
ودوك تسبق لباب الدار وتقوليك خارجة نجيب دورية
كاين الرجال وكاين النساء وكاين الاشباه ياحفيظ يامنان
وحدة مطلية بالماكياج ولوخر لابس سروال امقطع بلا خلفية
الخير ان شاء الله مزالو باقي في هذا الزمان
النصيحة واجبة وكلامي من القلب يتمنى يهز القلب شويا
نطلب ربي الله ينصر الاسلام في جميع البلدان
خوكم محمد يحييكم مع الف سلام وتحية
#كلمات أمير الريشة محمد عوماري
ليست هناك تعليقات:
إرسال تعليق