و عاد النوم حرام يا أم عيالي
نسهر طول الليل تايه في عينيك
ومن نظرتهم راه متغيثر حالي
مانرقد مهموم شاغل عقلي بيك
طول الليل نشوف لخيال قبالي
جمرة حبي شاعلة فالقلب عليك
بين ظلوعي صهدها راه يشالي
لو نعرف كيفاش بالغالي نفديك
حتى لو نتلاح في ثلث الخالي
من بكري نهواك يا طفلة حاضيك
من دون النسوان غيرتي حالي
عمري ماننسا و مانسمحشي فيك
يا بنت الأصول و النسب الغالي
قوليلي كيفاش ياطفلة نرضيك
ونحلو صفحة جديدة من تالي
ما نيشي خداع بالحيلة نغويك
و ما نيشي غدار قطاع وصالي
وماني جافي يامرا عمري نخطيك
ما نسمح فاللي هواها دلالي
نهديلك عمري وقلبي راهو ليك
وهذ الشعر قليل في وصف غزالي
السلطان المغترب
ليست هناك تعليقات:
إرسال تعليق