وانضحي بالروح ترخس عن جالو
ما مديتو ما يكون خسارة فيه
عمري في عز الوطن عندي والو
ونشفي من جاو يتعداو عليه
يبقو عبرى على الي جاو يسالو
ارجع لتاريخ فتش في ماضيه
رجال و نسوان ضحو عن جالو
من جانا بالخير يدي مايكفيه
من جانا بالشر يلقى كيالو
من يجهل تاريخنا يغسل عينيه
يتمعن في علامنا يشرحهالو 🇩🇿
بالدمعة والدم رسموه ماليه
ثلث الوان وكل لون ومثالو
نجمة وسط هلال تعني ماتعنيه
رمز التضحيات والدين هلالو
لخضر فصل ربيع والخيرات تجيه
لبيض للسلام يامن تحتالو
سلم وحرب وحب هذوجملة فيه
زين علامي واه والباقي والو
اللهم ارحم شهدائنا الابرار وعاشت الجزائر حرة مستقلة 🤲
❤️
بـقـــــــBrahim Bouzaidaـــــلـم
ليست هناك تعليقات:
إرسال تعليق