--------------
لما الصداقة جَوّها للبشر طاب
و تجالسوا و تخالطوا بعاد و قراب
حكمة عباقرة الفصاحة أكّدوا
أفضل جليس تصَادِقو هوّي الكتاب
لكتاب فاتح للثقافة ألف باب
و للفيزيا و الكيميا و علم الحساب
مهمة القراءة لكن الفيها أهم
تقرا و تفهم شو مدوّن بالكتاب
أوفى صديق بكل وقت و كل حين
مخلص إلك و برفقتك كل السنين
بيحكي معك من دون ما تحكي معو
و أيا لغة بيحكيك منها و عن يقين
شيخ و طفل مرأة ما بيهم النسب
بكتاب عنوان الثقافة و الأدب
الحكمة .البلاغة. الطب .علم الإجتماع
بحرف ماسي عنهم الكاتب كَتب
المرأة كتاب بشرط تقراها مليح
بتعيش طول العمر هاني و مستريح
لسان البشر فوق الأرض بكتابها
ما تهملو و إقراه بلسان الفصيح
الكتاب نور بيرشدك وقت الظلام
أقصد ظلام العقل من نور العلام
بيعطيك شو ما تطلبو من دون ثمن
عا شرط تعطي للقراءة إهتمام
يمكن إذا أعطيت سرّك أي حدا
يخونك و من بعدها تصيروا عِـدا
و سرّك إذا كتبتو بصفحة من كتاب
بيظل سِـرّك سِر عا طول المدى
الكتب السماوية من الرب العليم
نزلت و تهدي عالصراط المستقيم
و لو ما تثقَّفت بثقافة أي كتاب
بتبقى حياتك كلها جاهل غشيم
الشاعر… د.علي مسلم عجمي
لبنان
ليست هناك تعليقات:
إرسال تعليق