اللي مايحبك ياكل خبزك و يسبك
يستشفى بلقدار كي تتقدر يضحك
خبزك في فمه سيفه في بطنك
مرض القلوب بيه هو مبلي
في سعاعتها ينسا واش كلا ملحك
لو يصيب يقطع عليك خبزك
لو يلقا من شربة ماء يحرمك
بضرارك يشتي يكون سالي
بالسن المخدوع ديما يتبسملك
طيح بين نيابه يكسرلك عظمك
ياكل طعامك يرويه بسيول دمك
مريض قلبه واش داوي خلي
لي مايحبك يسلم عليك ويعضك
مايفرح بفراحك فيها يحسدك
لو جات في جهدو حي ويدفنك
حساد حڨودي من داخل دغلي
ماعليك والو كبرله خبزتك
عطيه يـــــاكل بصفاوة نيتك
ماتخليش مرضه يعدي صحتك
خليفتك على المولا الله العالي
أوسيف قدور
ليست هناك تعليقات:
إرسال تعليق