نوفمبر الحرية/ بقلم الشاعر الجزائري /قدور أوسيف

🇩🇿نوفمبر الحرية🇩🇿

أول نوفمبر تاريخ مرسم🇩🇿

54 من ألف و تسـع ميـة🇩🇿

قاموا فيه الرجال بعزيمتهم🇩🇿

كلمة وحدة الجزاير تـحية🇩🇿

قرن وكــذا والمدمر يحكم🇩🇿

رافد شعار الأرض هذي ليا🇩🇿

سنين بعد سنين و هو يظلم🇩🇿

جا نوفمبر عليه بدل الحكاية🇩🇿

قامو لبطال فاض حب وطنهم🇩🇿

رجـــال و نسوان يـــــــد قوية🇩🇿

الله أكبر كانت صيحتهـــم🇩🇿

رن البارود بدات التضحية🇩🇿

مدينة و دوار نوفــمبر جمعهم🇩🇿

جهاد و إستشهاد ترفعت الراية🇩🇿

لا دبابة لاطيارة قدرت توقفهم🇩🇿

لا تعذيب لا مــــجازر جماعية🇩🇿

أول نوفــمبر بــطل يترحـــم🇩🇿

أول نوفمبر ذكرى تبقى حية🇩🇿

أول نوفمبر تاريخ مرسم🇩🇿

54مــن الــف و تسـع ميا🇩🇿

أوسيف قدور