حـــــال الدنيا غـــــــيم وصحى
ياصاحبي صـــــــــبر لله وستغفــر
حمــــــد ربي عــــــــلى الصحه
الرجل ماشي والعين تبصـــــــر
بعــــــــــد لحزان تجي الفرحه
بعـــــــــــد جفافها الخير يمطر
أمــــا الدنيا مافيها راحــــــــه
وفصولها لابد دايـــــــما تتغير
كل فارس معــــــرض للطيحه
الخيل الحـــــــر يطيح ويعثر
ڨندوز لابد يـــــدي طريحـــه
باش يحفظ دروسها ويسطر
رفد سيفك وحارب فالساحه
تقـــــــــــــدر بإذن الله تقـدر
وســـــــــع ودير غير المليحه
يلا مشي اليوم تنصاب للقبر
مادوم الدنيا تمشي رايحــــــه
سير معـــــــــــاها وبلاك تتغر
ياخويا شحال طحت من طيحه
و حفظك ربي بحفظه وستــــــر
صبـــــــــــر لله الواحد سـاع تنحل
هذي ســــــــــــاعه ويدور رقاسها
لبغى العسل يصبر لقرص النحل
لبغى ركوب الخيل يستهل طيحاتها
لمشى طريق الطين لابد يحصـل
طالع لجبال لازم يعافر وعــــــارها
ناسج الصوف لابد عليــــــه يغزل
ورافد النار لازم يتكوى بجمــارها
حامل لثقال مالازمش عليه يفشل
بعد التعب ينال بإذن الله موصلها
أوسيف قدور
ليست هناك تعليقات:
إرسال تعليق