اوعي تآمن لهنَّ
وحاسب من كيدهنَّ
ياما عليهنَّ هُنَّا
حاسب من السُهُنّة
عايشة دور الهوانم
ربك هوه اللي عالم
بالرقص علي السلالم
ولا اللي تحت شافوها
ولا اللي فوق سالم
الراجل عمره ما يسلم
عمره مايربح أو يغنم
لو آمن لجنس النسا
معاك طول ماانتا معاك
ياويلك ف المَفْلَسَة
ماتلاقي حنان ولا حب
ولا كلمة كويسة
وتلاقي كل مَرْعَة
وتنشف كل زرعة
أما لو قصرت
ف الحاجات إياها
تبقي حياتك زفت
وتتعب أوي وياها
تكره كل الدنيا
وشمسها وسماها
وتبقي قليل الحركة
وتقول عليك البركة
وصوتها يصبح عالي
وقلة أصلها طوالي
إلا بنت الناس
بنت الخير والأصول
اللي الأصل أساس
لو حتي بتاكل فول
مليانة ياواد إحساس
ف ضهرك اوي علي طول
ولا يوم راح تشتكي
ولا أي حاجة تقول
ياللي الإله أكرمك
بواحدة بنت حلال
حافظ عليها بقلبك
وبحبك والأموال
حتعيّشك ف جنة
وتصبح عال العال
وتشيلك فوق الراس
وخدّها يبقي مداس
يصح فيها القول
اللي قاله الرسول
العرق ياناس دسّاس
العرق ياناس دسّاس
هشام سليم
كنج العربي
شاعر الحرافيش
الإسكندرية مصر
ليست هناك تعليقات:
إرسال تعليق