واضرب الوَدع
شوفي بختك ياصبية
شوف بختك ياجدع
يللا ارمي بياضك
وانسي أي وجع
راح تشوف البدع
لما تشوف الودع
قليل البخت من يومك
كتيرة آلامك وهمومك
مظلوم طول عمرك وحداني
ولا عمرك يوم كنت أناني
دايمن ماشي علي الأشواك
ولا حد ماشي ف سكة معاك
كله هلاك مش ماشية معاك
والهم دايمن يستناك
تضحك يومين لأساعتين
وف ثانية تلطم الخدين
وبحر همومك دمع العين
يامسكين
تملي حزين
عامل متين
جوه القلب
نحيب وأنين
كل ليالي العمر ف سهر
مفيش أدامك سكة سفر
بلا نيلة حتسافر فين
عامل فيها وَخش وجبل
وف الحقيقة كلك هَبَل
وبتبتسم
وبتتقطع وبتنقسم
واضح ظاهر ع الشاشة
مخدوع مخلوع
وبكماشة
الدّق فوق الراس
دايمن مظلوم م الناس
شاعر ورقيق حساس
بتدور ع الإخلاص
عنيد ودماغك ناشفة
مجنون بره المستشفي
لسانك دايمن زالف
علي همك دايمن حالف
وطموحك ماله حدود
بس طريقك مسدود
بس طريقك مسدود
هشام سليم
كنج العربي
شاعر الحرافيش
ليست هناك تعليقات:
إرسال تعليق