كبر فمك للبلا وطعن فالناس
وبقى عايش طول عمرك قال وقيل
ماتعبا ماتوب ماتبقى لباس
مايتغير حال غيلا مت ذليل
ياتاجر سوڨ العما ماكش تراس
فيق بعيبك راك ذلة وتبهديل
تطعن في لشراف مرفوعين الراس
باش تهون عراضهم ودير جميل
نقي روحك راك وطية للتفعاس
تحت الزيرو عيب كان عليك نميل
حالك راه يقيض خانز بالوسواس
عيب علينا نقيمو وسخة في ذيل
عيب عليا نكون بشعاري نقاس
ونذكر اسمك عند الرجال تاويل
نوسخ روحي بيك ونوسخ جلاس
والشعارة عاتبوني فيك ڨبيل
ڨالولي خليك من تاليت ناس
حرفك صافي لا توسخ بيه هبيل
وانتَ لبدا قير خنفاس ودنفاس
شمشام ونباح ماترڨدش الليل
موت بغيضك درت ظهرك لتحلاس
ماتعبى وأنت الحمل عليك ثقيل
مانيشي شمات مانيشي نقاس
قير نت َ وصلت روحك للتنكيل
روح تروح راك في حالت إفلاس
مانا حڨارين هذا فيك قليل
بقلمي الطيب حاكمي
ليست هناك تعليقات:
إرسال تعليق