( بقلم / محمد فوزي)
بصتلها
حسيت إني بحلم وإني
شايفها في المنام
قمر في السما عالي يشبه
بدر التمام
عجز لساني عن وصفها
ومات في الحال الكلام
وتاهت الحروف والمعاني
وطارت كأسراب الحمام
قولتلها
علميني أوصفك علميني
أرسم جمالك من خيالي
كما الرسام
علميني قبل ما اصحى
من منامى فتتوه من
خيالي ملامحك وسط
تفاصيل الحياه والمشاكل
والزحام
قالتلي ياما ناس غيرك
شافوني
ولاعرفو يوصفوني ولا
عرفو يرسموني
كان أخرهم يشتهوني من
بعيد ويحاكوني بالعيون
من سكات زيك تمام
أما أنا . أنا من خلق ربك
وربك ياما بيخلق معجزات
فاوعي تجيب فى سيرتي
أو تقول إن ليك معايا
ذكريات
ساعتها هيكدبوك
ويقولولك إن المعجزات
زمنها فات
وان عشق البشر للملايكه
ده من رابع المستحيلات
وان الطير فى السماء عالي
ده بس عشان له جناحات
منطقى يعلا فى الفضاء
ويكون له فى العلا علامات
لكن يوم ما يعشق بشر
حوريه من الجنة ده معناه
ان البشر مات
فاوعى تجيب فى سرتي
او تقول ان ليك معايا
ذكريات
وخليني عندك ذكري جميله
وأعتبرني سر وحافظ عليه
من اللئام
خليني أجمل سر فى حياتك
كتير بيكون السر أحلا من
البوح بالكلام
وأوعدك هسيب قلبي أمانه
عندك
وهعمله حجتي عشان أجيلك
كل ليله أزورك فى المنام
(محمد فوزي)
ليست هناك تعليقات:
إرسال تعليق