من شوقي ليك يا اما قلبي طايب
مهما طال العمر ولله ماننساك
بين الناس ونحس في روحي غايب
نسمع همسك ياما ونسمع القاك
نصحى نلقى الدمع على خدي رايب
ونلقى روحي غير وحدي بلا سواك
نتنهد ونقول يا ذالعجاايب
يعرك فيا الزعاف في صدري تعراك
حبيبت قلبي يا ما راني سايب
تايه في صحراء خايف من الهلاك
مواج الضلام فيه المصايب
وحدي نعافر فيه ماعندي سلاك
من شوقك نحس في جسمي ذايب
وعضمي فاشل راه عاجز على التحراك
نحس بحمل ثقيل عن ضهري رايب
تعبني ودهشت لامن قال حذاك
بلوحدة حسيت شيانت لعقايب
ماضنيتش دور ليام عني هاك
كنت نقدم للوعر ماني هايب
متحصن بدعوتك مانيش شاك
يا لحبيبة ما عز الحبايب
عطر الجنة ياما توحشت دفاك
واد الخير من جيهتك ليا جايب
نسقي زرعي بيه ينجى من الهلاك
ماني شاقي بدعوتك ماني خايب
غير فراقك ياما دايرلي هاك
الابن. الشاعر ..لعجال فجخي
الام... ام هاني ..حبوس
اللهم ارحمها واغفرلها واسكنها اعل. الجنات مع ابي وجميع المسلمين والمسلمات
ليست هناك تعليقات:
إرسال تعليق