( ليلة راس السنه )
يا تاعِبني في غَرَامَك
وسايق الطيبه والسَّهتَنَه
حرَام عَليك ، تسَبَّل
عِنيك ، كفايَه مسكنَه
بين ايديك ويهُون عليك
اشحت نظرة عِنيك ، أنا
بلاش اعايرك ، يا عِينَك يا جَبَايرك
ينفع تزعلني ، ليلة رأس السنه؟
متكونش بخيل ، كفايه راضِية
بالقليل من السَّنه للسَّنه
فرحني ذى الناس و زوَّد حرارة
الاحساس ، نَسِّينِي العَكنَنَه
بحب الهمس ، نسِّينى الامس
اليوم فرحِنا ، والباقي علَيّ انا
بَتبَاهَى بِيك الله يرضِيك
كلِّي لِيك ، حاسَّه عقلك مش هنا ؟
ضُمِّنِي ، دفِّينِي ، إحتوِيني
حسَّسْنِي بالأمان والهَنا
د. صلاح شوقي
ليست هناك تعليقات:
إرسال تعليق