نزلت فى بحر دموعى من جوا
لقيت احزانى غرقانه فى دموعى
وكلمة اه على لسانى مطويه
واشوف الليل فى توب ظلامه يالمنى
لنا عارف اشوف نفسى
ولافاكر فى احزانى كمان اسمى
ويجى الليل يسهرنى فى احزانى
انا عايش ومش عايش منا ميت
ويجى الهم باحزانه اقول فوت
واعد خطانى فى احلامة تتوه عنى
وابات سهران والاقينى اتوه منى
ويجى الفرح اقول يافرح طال حزنى
يفوت الفرح ويعدى اتاريه مخاصمنى
وانادى الصبر فين كاسى
الاقى الكاس ملازمنى
واشرب كاس ورا كاس وانا عارف
هموم الدنيا غيرها منا شايف
وافوت ارجع فى بحر دموعى من تانى
واشد رحالى عن همى واقول امشى
يفوت الحلم وانا غرقان وعينى مابتنمشى
انادى الدنيا واسالها لفين وخدانى
الاقيها لغيرى الضحكة ملياها
واشد فى حبالى بكل العزم والقوه
والم همومى فى جرابى وارميها ورا ظهرى
يطل الفرح ويجينى يصحينى من حزنى
واشيل ضحكتى فى حضنى
واخاف تفوتنى فى لحظة ماتجينى
ليست هناك تعليقات:
إرسال تعليق