يا سايلني اذا تسال..لعدايا نا ما نودي
الطب يداوي العلال...ونا مرضي لا لوحدي
حالي ما نشبهو لحال...وايامي فالبلا تعدي
ما نسمع ما نقول قال...ما تنشرها الناس بعدي
غابت عني الوقت طال...واكشف سري بلا جحودي
الحب يذوب الرجال...من قال لا يجي لعندي
بعد اصفاها الهم زال....اهنى قلبي انزاد سعدي
وليت انا من الابطال...ولات الزايخة صيادي
وحدة من جدي الغزال...جابت جبول والقعادي
عايش في طيفها اشحال...ناسي لطعام والوعادي
نهديها وحش الدلال...ولي طلبت كل عندي
بشر بها وقول قال ...ناكل من جابها زنادي
لا تحسبني من الهبال ...راني وفيت نا بوعدي
ما ننساها ذا محال...الا بعد نزور لحدي
ردي ليك من تسال ...عربي ونزيد في عنادي
من يطعنها مني ينال...حقو وانتوما شهودي
كريشي من بانو هلال ...فرسان مدون والبوادي
تيارت قبلة للبطال ....والجزاير ذي بلادي
جلول قيايدة
ليست هناك تعليقات:
إرسال تعليق