همسات
فيها أيه بس لو كنت صدقت معايه
مش جايز كانت كملت الحكاية
حكاية قلبين على الحب إتعهدوا
على الصدق كانوا نوين
على الود كانوا جهزين
فيها أيه بس لو كنت صدقت معايه
رسمت دنيا كنت أنت فيها ملاك
كنت أمير و أنا من رعاياك
كنت بحلم بيوم أكون جنبك و رهن إشاره منك
فيها أيه بس لو كنت صدقت معايه
كنت بحلم بعش يلمنا
مش هقولك قصر و لا حتى شقه صغيره
كنت هعيش معاك فى كوخ مصنوع من الهوى
و على شط البحر هنبنيه
أصل البحر ده له معايه حكاية
كنت كل يوم أروح للبحر و أقوله
يا بحر إمتى هيجى و أطمن عليه
إمتى هتلمس أديه أديه
و كانت عليه الموجه شهده
شهده أني من بعدك قلبى تعب
فيها أيه بس لو كنت صدقت معايه
كنت بحلم بيك و أنت قاعد معايه على شط بحر الهوى
و كنا نحكي حكاية عشقنا لولدنا
و أولدنا يحكوها لأحفدنا
سدأني كانت هتبقي أحلي حكايه
حكاية عشق فى زمن الصدق و الأمانه
مش زي دلوقت كله بيضحك على كله
كله بيمثل على كله
كله بيجرح فى كله من غير شفقه و لا رحمة
فيها أيه بس لو كنت صدقت معايه
كنت زرعت بستان من الورد والياسمين
و كنت كل يوم أرويه من دموع عنيه
عنيه إلي كانت هتبات تحرصك حتى من نفسك
و كنت أهديك كل يوم ورده
و كل ورده وراها حكايه
و كل يوم أحكيلك حكاية ورده
و أنت تسمع و تضحك و أنا أبتسم
أبتسم من غير صوت عشان صوتك أنت يفضل عالي
عالي لأبعد الحدود
فيها أيه بس لو كنت صدقت معايه
هناء البحيرى
ليست هناك تعليقات:
إرسال تعليق