بقلمي عبدالله رجب ابوعدنان
دالوقت عايزة تحدفيني بالحجارة والطوب
ماكنت أنا العاشق وأنا إللي ع الحجر
وانا المحبوب
ازاي بعد كل السنين
والشعر الأبيض ما ظهر
جاية تقولي ارجعلك المهر
بعد ما قضينا عمر
بقيت مش مرغوب
خدتك ضعيفة وحميتك
وبين جفوني داريتك
عمرك طلبتيني إلا وجيتك
وعمري ما حسبت غالب ولا مغلوب
لو كان فيكي قوة وجبروت
افتكري إني خدتك ولساكي بنوت
كنت بحاول اكبرك
واطلعك من كسوفك و من السكوت
وطول عمري راضي بالمكتوب
قريت كل كتب الحب من أجلك
وكل ما تحلفيني احلفلك
وأقسم ب ايمانات اللة بحبك
وكفيانا العمر ما عاد يتحمل
بكا وذنوب
طيفك جاني ف المنام
ما لحقت الملم خلجاتي
يآرب هوا دا إلهام
لملمت ورقاتي وحاجاتي
وفضلت اقولك واحكيلك
عن العشق والغرام
وانتي خدتك الشجاعة ومن غير خوف
تقولي انسى الحب
وانسى الشعر
وما تبكيش يا حبيبي ع اللبن المسكوب
الحق عليا
طول عمري بحلف بحياتك
راضي بجنتك ونارك
والنهاردة بقت فيا كل العيوب
العمر ما عاد يتحمل
بقلمي عبدالله رجب ابوعدنان
ليست هناك تعليقات:
إرسال تعليق