لعجال..
راني بيك حبيت نعشرك عشرة
نصبحو احباب حبيب يضم حبيب
ندى..
بنت اصل وصيل ورجال الفخرة
بر النخلة والنخيل كسيب
صحراوية قح ما نقبل حقرة
وكلامي هذاك صح ماهوش عيب
لعجال..
انا راجل شهم من اهل النعرة
مانظلم ما نغش مانخدع غريب
تمنيتك نشوف وجهك بنظرة
ونحقق في صورتك والخير يجيب
ندى..
تمنيتك حلالي ماهوش بالسترة
اقصد اهلي وارواحلي خطيب
بجملة لحباب وسكان الدشرة
وتملك قلبي والعمر يا عز نصيب
لعجال..
هذا من زهري نملك ذالدرة
ونتمنى يكونلي فيكم نصيب
مانقدرش نفارقك هذ المرة
ومانجمش ع خيالك حين يغيب
ندى..
ياسيد الرجال درتك لي عيني غرة
ودرتك فلكبدة وليك القلب قريب
شوق حنيني توحشته هذا المرة
ريح نسومك صايط يا لحبيب
لعجال..
مانطولش وندير لمحبوبي سهرة
قلبي وحشو زاد لاهب فيه لهيب
من غيرك القلب والله ما يبرة
وربي يجمع شملنا في وقت قريب.
ندى..
فايض جهلات مجمول مكرة
طيحني في واد وليت مغيب
لعجال..
يحفضك الله ماتشوفي مكرة
والخير يتمناه غير لي ليك حبيب
بقلم الشاعر لعجال وندى الشعر
ليست هناك تعليقات:
إرسال تعليق